پاکستان کرکٹ بورڈ نے قومی ٹیم کے غیر ملکی کوچز مکی آرتھر اور گرانٹ بریڈبرن سے متعلق بڑا فیصلہ لے لیا

لاہور (ڈیلی پاکستان آن لائن ) پاکستان کرکٹ بورڈ نے قومی ٹیم کے غیر ملکی کوچز کو ورلڈ کپ تک برقرار رکھنے کا فیصلہ کیاہے ۔
نجی ٹی وی دنیا نیوز کے مطابق پی سی بی نے فیصلہ کیاہے کہ کوچز کو ورلڈ کپ تک تبدیل نہیں کیا جائے گا، مکی آرتھر اور گرانٹ بریڈبن کو ورلڈ کپ تک برقرار رکھا جائے گا ۔ذرائع کے مطابق پی سی بی کرکٹ کمیٹی کے اجلاس میں سابق کپتان مصباح الحق نے کہا گو کہ میں غیر ملکی کوچز کی تقرری کے حوالے سے سخت موقف رکھتا ہوں لیکن اگر نجم سیٹھی نے غلط فیصلہ بھی کیا ہے تو ایک دم سے کوچز کو تبدیل کرنا دانشمندی نہیں ۔