آئی سی سی کرکٹ ورلڈکپ میں افغانستان کیخلاف سری لنکا کی بیٹنگ جاری ہے جہاں سری لنکا کی دوسری وکٹ 84رنز پر گرگئی ۔
بھارتی شہر پونے میں کھیلے جارہے ورلڈکپ کے 30 ویں میچ میں افغانستان ٹیم کے کپتان حشمت اللہ شاہدی نے ٹاس جیت کر سری لنکن کپتان کوشل مینڈیس کو پہلے بیٹنگ کی دعوت دی۔
سری لنکا کی جانب سے اننگز کا آغاز اوپننگ بیٹرز پتھم نسانکا اور دیموتھ کرونارتنے نے کیا لیکن یہ اوپننگ جوڑی افغانستان کے بولرز کے سامنے اپنی ٹیم کو زیادہ اچھا آغاز فراہم نہ کرسکی اور پانچویں اوور میں دیموتھ کرونارتنے فضل حق فاروقی کی گیند پر 15 رنز بناکر پویلین لوٹ گئے اس کے بعد پتھم نسانکا 60 گیندوں پر 46 رنز بناکر آؤٹ ہوئے ۔
